Panasbumi
Rajakaya
Tatar Sunda
Ku
Adjat Sudradjat *)
Dina éarna
biantara ngeunaan krisis énérji sok mindeng ngagalindeng kecap panas bumi anu
dipiwadi bakal bisa ngajait bangsa urang tina jurang paceklik énérji. Naon
sababna? Sabab ieu énérji téh moal orot sanajan disedot. Béda pisan jeung
minyak tanah anu beuki lila beuki korédas. Cenah minyak tanah nu masih kapendem
di nagara urang téh ngan kari 23 tauneun deui. Ari anu maraké unggal taun nérékél
méh 8%. Geus kabadé yén dina hiji waktu urang bakal kakurangan énérji.
